Тоқаев ҰҚК бұрынғы төрағасына «Халық қаһарманы» атағын берді

Президенттің жарлығымен Сәт Тоқпақбаевқа Қазақстан Республикасына сіңірген ерекше еңбегі үшін «Халық қаһарманы» атағы берілді.

Генерал-полковник, биыл 85 жасқа толған болатын. Бұған дейін ол арнайы белгі – Алтын жұлдыз және «Отан» орденімен марапатталды.

Сәт Тоқпақбаев өз мансабында маңызды мемлекеттік орындарды басқарды. Соның ішінде Ұлттық қауіпсіздік комитеті, Қорғаныс министрлігі және Президенттің қауіпсіздік қызметі сияқты орындар бар. Ол сондай-ақ Мәжіліс депутаты болып қызмет атқарды және Республикалық гвардияның командирі болды.