Жәнібек Әлімханұлы қарсыласын 9-раундта нокаутқа түсірді

Қазақстандық кәсіпқой боксшы Жәнібек Әлімханұлы Сиднейде аустралиялық Андрей Михайловичті (21-1, 13 КО) 9-раундта нокаутқа түсірді. Осылайша екі бірдей чемпиондық атағын сәтті қорғап шықты, - деп хабарлайды msports.kz сайты.  

Жекпе-жек 9-раундта аяқталды. Жәнібектің сериялық жойқын соққыларынан кейін Андрей ес жия алмады.

Оған дейін де боксшылар шебер жұдырықтасты. Аустралиялық боксшы жекпе-жекке тыңғылықты дайындалғаны байқалды. 

Жәнібек қорғаныста мығым, шабуылда ширақтық танытты. Мықтылығын мойындатып, шеберлігін тағы бір рет көрсетті.

Осылайша отандасымыз орта салмақта IBF және WBO чемпиондық атағын сәтті қорғап шықты.