«Ала алмассың»: Қазақфильм басшысы жалақы сұрап наразылыққа шыққан қызметкерлеріне жауап берді

Шәкен Айманов атындағы «Қазақфильм» акционерлік қоғамының президенті Азамат Сатыбалды Instagram парақшасында өзіне қатысты өткізілген наразылық шеруге қатысты жауап қатты, деп хабарлайды Ulysmedia.kz.

ЕЙ, ПЕНДЕМ!

Актер қызметкерлердің талап-арызын аяқтан шалу, жала жабу деп есептейтін көрінеді.

Ей, пендем. Ер жігіттің бабын алсаң да, басындағы бағын ала алмассың. Соны ұмытпа. Жала жабу. Аяқтан шалу. Жұмыс жасатпау. Көре алмаушылық. Бір-екі күнде мақалам шығады. Толық жауап сол жақта болмақ. Аллаға аманат, – деп жазды Азамат Сатыбалды.

НАРАЗЫЛЫҚ

Айта кетейік, «Қазақфильм» алдында «Қазақ анимация» шығармашылық бірлестігінің қызметкерлері наразылық танытқан болатын. Себебі мемлекеттен бөлінген тиісті қаражат әлі күнге дейін қызметкерлерге берілмеген.