13 жыл құлдықта болған анасы мен ұлына пәтер сыйға берілді
13 жыл құлдықта болған анасы мен ұлына пәтер сыйға берілді. Баспанаға қаржыны блогер Гүлмира Әбдрашеваның оқырмандары жинаған. Бұл туралы волонтер, блогер Назым Жанғазы өзінің инстаграм парақшасында жазды.
"Бір апта бұрын Түркістан облысындағы кризис орталығында болып, 13 жыл құлдықта болған 16 жастағы Наум (есімі өзгертілген) мен анасы туралы айтқан едім. Бүгін қуанышты жаңалықты бөліскім келіп отыр. Наум туралы айтқаннан кейін менің құрбым Гүлмира Әбдрашева мен оның оқырмандары жналып, 23 сағаттың ішінде 25 миллион теңге жинап берген. Келесі күні еріктілермен Шымкентке бардым. Ол жерде анасы мен баласының тұрғылықты мекен жайын ауыстыру туралы шешім қабылдадық", - дейді Назым Жанғазы.
Тағы оқыңыз: «Лауазымды офицер құлдықта ұстаған»: Түркістанда ана мен бала құтқарылды
Оның сөзінше, құлдықта болған анасы мен баласына екі бөлмелі пәтер сатып алынған.
"Пәтерді сатып алғаннан кейін бірден құжаттарды реттедік. Олар толық үйренісіп алғанша кризис орталығында болады. Артынша өз үйлеріне көшеді", - дейді волонтер.
Ал қазіргі уақытта Наумның құжаттарын реттеу бойынша жұмыстар жүргізіліп жатыр.
Посмотреть эту публикацию в Instagram
Сіздің реакцияңыз қандай?
