Тарихи рекорд: биткоин бағамы 40 миллион теңгеге шарықтады

Биткоин криптовалютасының (BTC) құны 84 мың доллардан асып, тарихи рекордты тағы жаңартты, деп хабарлайды inbusiness.kz сайты.

Айта кетейік, бір күн ішінде биткоин құны 5,7%-ға өсіп, Астана уақытымен 21:00-де 84,4 мың долларды құрады. Google компаниясына тиесілі қаржылық ақпарат провайдерінің графигіне сүйенсек, 11 қарашада биткойн бағамы 40 648 114 теңгені еңсерді. Бір күнде оның құны 1,99 пайызға, ал бір айда - 39,03 пайызға өскен. 

Тағы оқыңыз: Доллар 507 теңгеге дейін көтерілуі мүмкін

Бұған дейін биткоин бағамы алғаш рет 80 000 доллардан асып, рекордтық 80 071,17 долларға жеткенін хабарлаған едік.

Бағаның күрт өсуіне АҚШ-тағы президенттік сайлау кезінде криптовалютаға қызығушылықтың артуы себеп болған.