Дональд Трампты ұлықтау рәсімі қашан өтетіні белгілі болды

АҚШ президенті сайлауында жеңіске жеткен Дональд Трампты ұлықтау рәсімі 2025 жылғы 20 қаңтарда өтетін болды. 

Іс-шара Вашингтондағы АҚШ Капитолиясының ғимаратында ұйымдастырылады.

USA Today мәліметінше, ұлықтау рәсіміне дейін де, кейін де ұлықтау шеруі, ұлықтау балы секілді бірқатар мерекелік іс-шара өтуі тиіс.

Сайлаушылар алқасының дауыс беру рәсімі 17 желтоқсанда, ал дауыс беруді есептеу және сайлау қорытындысын бекіту 6 қаңтарға жоспарланған.