Астанада екі автобус соқтығысты: зардап шеккендер бар

Астанадағы Сығанақ пен Тұран көшелерінің қиылысында адам толы екі автобус соқтығысып қалды. 

Екі автобус та 29-шы бағдар бойынша кетіп бара жатқан.

Астананың Полиция департаменті Higer маркалы автобустың Тұран көшесі жақтан Сығанақ көшесіне келе жатып, аялдамада тұрған автобусты қаққанын, көктайғақты ескермегенін айтты.

"Апаттан екі жолаушы зардап шекті. Оның біреуі кәмелеттік жасқа толмаған. Олар ауруханаға жеткізілді. Медициналық тексеріс нәтижесі бойынша процессуалдық шешім қабылданады", - деді полиция.