«Абай қара сөз жазбаған» - әдебиеттанушы

Әдебиет зерттеушісі Төреәлі Қыдыр Абай Құнанбайұлының қара сөздер емес, насихат жазғаны туралы айтты, – деп хабарлайды Massaget.kz.

Ғалым өзінің бұл сөздеріне дәлел ретінде жазушы Мүрсейіт Бікеұлы тарапынан жазылған қолжазбаны көрсетті. 

1905 жылғы Абай шығармаларын жинақтаған жазушының деректеріне сүйенген Төреәлі Қыдыр: «Абай қара сөздер емес, насихаттар жазған», – дейді.

Зерттеушінің айтуынша, «қара сөз» атауы кеңес заманында Мұхтар Әуезов бастаған абайтанушылардың ұсынысымен енгізілген екен. 

Айта кетейік, әдебиет зерттеушісі қолданған қолжазба Орталық ғылыми кітапхананың сирек қорында сақтаулы.