Қазақстан қызылшаның таралуы бойынша әлемде үшінші орынға шықты

Қызылша ауруының таралуы бойынша Қазақстан әлем елдері арасында үшінші орында тұр, деп хабарлайды sadaqmedia. 

АҚШ-тың ауруларды бақылау және алдын алу жөніндегі орталығының зерттеуіне сүйенсек,  әлем бойынша қызылша ауруы ең көп таралған ел – Йемен. Екінші орында Индия және үшінші орында Қазақстан Республикасы тұр.

АҚШ-тың ауруларды бақылау және алдын алу жөніндегі орталығы Дүниежүзілік сақтау ұйымының қарашадағы мәліметіне сүйене отырып, осы рейтингі жасаған. Яғни, қараша айында Қазақстанда қызылша дертін жұқтырғандардың саны 12 мың адамнан асса, желтоқсан айында бұл көрсеткіш 20 мың адамнан асқан.