Таудан тас құлап, бірнеше адам отырған көлікті басып қалды

Өзбекстанда таудан қойтас құлап, өтіп бара жатқан жеңіл көлікті басып қалған. Оқиға салдарынан 3 адам қаза тапты, деп хабарлайды Sadaqmedia.kz.  

Қашқадария облыстық ІІД жол қозғалысы қауіпсіздігі басқармасының баспасөз қызметі хабарлағандай, қайғылы оқиға Тақта-Қараша асуында болған. 

 "6 қарашада сағат 15:45-те Қайнар ауылы маңындағы Ташкент-Термез тасжолын 1137-шақырымында, Тақта-Қараша асуында таудан тас құлауы салдарынан 3 адам қаза тапты. Олар Самарқанд қаласына бара жатқан Chevrolet көлігінің ішінде болған. Үш адам да оқиға орнында қаза тапты", - делінген хабарламада.