Макрон Тоқаевқа Астанада сыйға алған тазыларының қалай өсіп қалғанын көрсетті

Елисей сарайының бағында Қасым-Жомарт Тоқаев пен Эмманюэль Макрон бейресми әңгіме өрбітті, - деп хабарлайды Sadaqmedia.kz.

Мемлекет басшылары серуенге Жюль және Жанна атты тазыларды ертіп шықты.

Бұл асыл тұқымды тазыларды былтыр Қасым-Жомарт Тоқаев Франция президентінің Қазақстанға жасаған сапары кезінде сыйға тартқан болатын.

Айта кету керек, Президент Қасым-Жомарт Тоқаевтың Парижге мемлекеттік сапары аясында екі ел делегациясының мүшелері 36 құжатқа қол қойды.

Оның ішінде жалпы сомасы 2,2 миллиард долларды құрайтын 1 үкіметаралық, 21 ведомствоаралық және 14 коммерциялық құжат бар.