Әлем чемпионы Нұрқожа Қайпанов көлікті болды (ВИДЕО)

Албания астанасы Тиранада еркін күрестен әлем чемпионы атанған қазақстандық балуан Нұрқожа Қайпановқа демеушілер жаңа автокөлік тарту етті, деп хабарлады Sadаqmedia.kz ақпарат порталы turkystan.kz  сайтына сілтеме жасап.

Спортшыға меценат Ерлан Қожасбай құрмет көрсетіп, ZEEKR 001 көлігін сыйға тартты. 

«Әлем чемпионы атануыңмен құттықтай отырып, өзіңе, бапкерлеріне алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз. Өзімнің, «Сәду-Аренаның» атынан сыйлық бергіміз келеді»,  – деді Ерлан Қожасбай.

Еске сала кетейік, 70 келіде белдесетін отандасымыз финалда 3-5 есебімен жапон палуаны Йошиносуке Аоягиден басым түсіп, жеңіске жеткен болатын.

Ол іріктеу кезеңдерінде Израиль, Молдова, Тәжікстан балуандарын ұтса, финалда Жапония спортшысынан басым түсті.