Қарағандыда жоғары лауазымды полиция қызметкері өзіне қол жұмсады
Ол қайтыс болғанға дейін балаларын балабақшаға апарып тастаған.
Бұрынғы аға полиция қызметкері Қарағандыдағы үйінің ауласында өзін-өзі атып өлтірді, деп жазады Sadaqmedia.kz. Болған жайтты Қарағанды облысының полиция департаменті растады.
Болжам бойынша, ер адам таңертең бір баласын мектеп лагеріне, ал екіншісін балабақшаға апарып тастаған. Үйге келіп, сағат 10:00-де өзін-өзі атып өлтірген.
Самат Құсайынов соңғы бірнеше жылда бес баланы жалғыз өзі тәрбиелеп келген. Оның жұбайы Қарағанды облысындағы колонияларының бірінде экономикалық қылмыс жасағаны үшін жазасын өтеп жатыр. Құсайынов жылдар бойы құқық қорғау органдарында, сондай-ақ
Қарағанды облысының сыбайлас жемқорлыққа қарсы іс-қимыл департаментінде жұмыс істеген.
Аймақтық Полиция департаментінің мәліметінше, ер адам үйінің ауласынан табылған.
10 маусымда Қарағандыда өз үйінің ауласынан 48 жастағы ер адамның мәйіті табылды, ол өзінің тіркелген қаруымен өзіне қол жұмсаған. Бұл факт полицияда тіркелген. Тергеу жүргізілуде, - деп хабарлады ведомстводан.
ҚР Қылмыстық іс жүргізу кодексінің 201-бабына сәйкес, облыстық ПД-дегі басқа мәліметтер жария етілмейді.
Сіздің реакцияңыз қандай?
