Париж-2024: Махмұд Сабырхан қарсыласынан ұтылып қалды
Испаниялық боксшыға есе жіберді.
Франция астанасы Париж қаласында өтіп жатқан Олимпиада ойындарында қазақстандық боксшы Махмұд Сабырхан алғашқы жекпе-жегінде жеңіліс тапты.
57 келі салмақта ел намысын қорғаған отандасымыз испаниялық Хосе Кулес Бротостан айласын асыра алмады.
Айта кетейік, осыған дейін Қамшыбек Қоңқабаев пен Асыланбек Шымбергенов алғашқы жекпе-жектерінде қарсыластарынан жеңіліп қалған болатын.
Сондай-ақ, осыған дейін ерлер арасында Нұрбек Оралбай, 51 келіде Сәкен Бибосынов, 63,5 келіге дейінгі салмақта Мұхаммедсабыр Базарбайұлы ширек финалға шыққан болатын. Сонымен берге әйелер арасында Назым Қызайбай алғашқы жекпе-жегін сәтті бастаған еді.
Айта кетейік, бүгін Париж Олимпиадаcында қазақстандық спортшылар спорттың бес түрінен — триатлон, стенд ату, бокс, спорттық гимнастика және оқ атудан жарыс жолына шығуы тиіс.
Сіздің реакцияңыз қандай?
