Коронавирус жұқтырып келген: Тоқаевтың Олимпиада жүлдегерлерімен кездесуі кейінге қалды
Кездесу бүгін, 15 тамызда өтуі керек болған.
Тоқаевтың Олимпиада жүлдегерлерімен кездесуі кейінге қалды.
Бұл туралы президенттің баспасөз хатшысы Берік Уәли хабарлады.
"Қасым-Жомарт Кемелұлы Ұлттық құрама мүшелерімен бүгін кездесуді жоспарлаған болатын. Өкінішке қарай, атлеттер мен жаттықтырушылардың жартысынан коронавирус инфекциясы анықталды. Сол себепті кездесу кейінге шегерілді. Спортшылар мен бапкерлердің тезірек сауығып кетуіне тілектеспіз", - деп жазды ол.
Айта кетейік, кездесу бүгін, 15 тамызда өтуі керек болған. Мемлекет басшысы Олимпиада жүлдегерлерін міндетті түрде қабылдайтыны айтылады. Кездесу тамыз айының соңында Ақордада өтеді деп жоспарланып отыр екен.
Сіздің реакцияңыз қандай?
