Қонаевта қашқын сарбаздар қамауға алынды
Сот отырысы қызметтестерінің қатысуымен өтті.
![Қонаевта қашқын сарбаздар қамауға алынды](https://sadaqmedia.kz/uploads/images/202407/image_870x_669e307a4d0b7.jpg)
Қонаев қаласының мамандандырылған әкімшілік құқықбұзушылықтар жөніндегі ауданаралық сотында басшының бұйрығына бағынбаған екі сарбазға қатысты әкімшілік іс қаралды, деп хабарлайды Sadaqmedia.kz ақпарат порталы.
«Іс құжаттарына сәйкес, биыл 8 шілдеде аталған азаматтар күн тәртібі бойынша бекітілген жоспарды бұзбау жөніндегі аға сержанттың ауызша бұйрығын елеместен, сол күні кешке шамамен сағат 20:00-де әскери бөлімшенің аумағынан қосалқы есік арқылы ескертусіз шығып, Алатау қаласына қашып кеткен. Сот қаулысымен Н. және М. ҚР ӘҚБтК-нің 652-бабы 6-бөлігі бойынша әкімшілік құқықбұзушылық жасағаны үшін кінәлі деп танылып, 7 тәулікке әкімшілік қамауға алынды», – делінген сот хабарламасында.
Әскери бөлімде осындай құқықбұзушылықтардың алдын алу мақсатында сот отырысы сарбаздардың қызметтестерінің қатысуымен өтті. Қаулы заңды күшіне енген жоқ.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)