Қырғызстанда тағы да сел жүріп, бірнеше адамды су ағызып әкетті

2017 жылы туған қыздың денесі табылғанын хабарлады.

Шілде 15, 2024 - 10:19

Шілде 15, 2024 - 10:21

Қырғызстанда тағы да сел жүріп, бірнеше адамды су ағызып әкетті

Ошта демалыс орындарының бірінде сел жүріп, үш қыз мен бір әйелді ағызып кетті.

Қырғызстанның Төтенше жағдайлар министрлігі бір баланың денесі табылғанын хабарлады. Ведомствоның мәліметінше, 14 шілдеде "Мол бұлақ" демалыс аймағында 44 жастағы әйел мен үш қызды (бұрын 2005, 2014 және 2018 жылы туған) сел ағызып кеткен. Оқиға орнына жеткен құтқарушылар іздестіру жұмыстарын бастады.

Кейін Төтенше жағдайлар министрлігі Өзбекстанның Әндіжан қаласындағы Шахрихонсой суару каналынан 2017 жылы туған қыздың денесі табылғанын хабарлады. Қыздың денесі "Достық" шекарасы арқылы қырғыз тарапына берілді. Қазір құтқарушылар екі әйел мен тағы екі қызды іздеуді жалғастыруда.

Естеріңізге сала кетейік, Қырғызстанның Ош облысы мен Ош қаласында сел жүрді. Лай ағыны көліктерді ағызып, жолдарды су басқан. Кеше түстен кейін Төтенше жағдайлар министрлігі төрт адамның жоғалғанын хабарлады.

Айта кетейік, бұл аймақта шілде басында да сел жүрген. Ол кезде апат салдарынан 10 адам қаза тапқан болатын.