Бүгін ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады. Бұл туралы қалалық Білім басқармасы хабарлады.

Бұған дейін Қазгидромет мамандары бүкіл ел аумағында қар жауып, жел күшейетінін айтқан еді.

Синоптиктердің болжамы бойынша, 8 ақпан күні республиканың басым бөлігінде жаңбыр мен қар жауады. Оңтүстіктің таулы аймақтарында, солтүстік-батыста, солтүстікте және оңтүстік-шығыстың таулы аймақтарында қалың қар түседі.

Еліміз бойынша, тұман түсіп, көктайғақ болады, жел күшейеді. Солтүстік-батыста және солтүстікте бұрқасын болады, дауыл соғады.

Қостанай облысының батысында, оңтүстігінде, шығысында, Ақмола облысының батысында, солтүстігінде, шығысында, Солтүстік Қазақстан облысының оңтүстігінде, батысында күші 30 м/с және одан да жоғары жел тұрады.

Посмотреть эту публикацию в Instagram

Публикация от Астана қаласының Білім басқармасы (@bilimastana)