Ақтауда инкассатор банктен 10 миллион теңге ұрлап, артынша өзін атып өлтірді
Оқиға 14-шағын ауданда Halykbank ғимаратында болған.
Ақтаудағы банктердің бірінің ғимаратында инкассатор 10 миллион теңге ұрлап, артынша өзіне қол салған. Бұл туралы Stan.kz ақпарат агенттігі Lada.kz сайтына сілтеме жасап хабарлайды.
Оқиға 14-шағын ауданда Halykbank ғимаратында болған. 10 миллионды ұрлағаннан кейін ер адам ғимараттың жертөлесіне қамалып, қызметтік қарумен басынан оқ атқан.
Жедел-тергеу тобы, дәрігерлер мен Арнайы жедел әрекет ету жасағы қызметкерлері жертөлеге кіретін есікті қоршап алған. Марқұм 43 жаста еді. Қалалық полиция департаментінің баспасөз қызметі оқиғаны растады.
"Қазір "Ұрлық және өзін-өзі өлтіруге итермелеу" дерегі бойынша Ақтау қалалық ІІБ қылмыстық іс қозғады", – деп хабарлады департамент.
Сіздің реакцияңыз қандай?
