Прокурор Нұржан Әлтаевты 12 жылға соттауды сұрады

Тіркелмеген "El-Tiregi" партиясының белсендісі, экс-депутат Нұржан Әлтаевқа прокурор 12 жыл үкім сұрады, деп хабарлайды sadaqmedia. 

Айта кетейік, ол аса ірі көлемде пара алғаны үшін айыпталып отыр. Дәлірек айтсақ, іс бойынша Нұржан Әлтаев 2018-2019 жылдары Еңбек және халықты әлеуметтік қорғау вице-министрі лауазымында қызмет атқара отырып, "Атамекен" кәсіпкерлер палатасының сол кездегі төрағасы Абылай Мырзахметовтен 50 млн теңгеден астам пара алды деген күдікке ілінген.