Қазмұнайгазға тиесілі тағы бір компания Ресейдің еншісіне өтті
Ресей компанияларының ықпалы артып келеді.
Ресейлік «Лукойл» компнаиясы Қазмұнайгазға қарасты қазақстандық ірі компанияның жартысын сатып алды.
Нақтырақ айтар болсақ, Ресейлік «Лукойл» «ҚазМұнайГазға» «Қаламқас-Хазар Оперейтинг» ЖШС-нің (ҚКО) 50%-ы үшін 200 млн доллар (94 млрд 644 млн теңге) төледі.
Орда.кз сайтының жазуынша, бұл компания Каспий теңізіндегі Әуезов, Қаламқас-теңіз және Хазар аудандарында көмірсутегін өндірумен айналысады.
«ҚКО» ЖШС-нің жартысын ресейліктердің сатып алғаны туралы ақпарат «ҚазМұнайГаз» ҰК АҚ-ның 2023 жылға арналған қаржылық есебінде бар. Мәміле, құжаттамаға сәйкес, 2023 жылдың қыркүйек айының соңында жабылды. Нәтижесінде ҚМГ Каспий теңізіндегі мұнай-газ кен орындарын игеріп жатқан компанияны бақылаудан айырылды. Жобаның белгілі бір шарттары орындалған жағдайда (бұл шарттар қаржылық есепте егжей-тегжейлі сипатталмаған) $100 млн қосымша төлем де мүмкін. «ҚазМұнайГаздың» бұрынғы еншілес ұйымына бірлескен кәсіпорын түріндегі инвестициясы әлі де бар, оның құны 93 миллиард 258 миллион теңгеге бағаланады.
Акцияларды сату кезінде ҚКО компаниясы рентабельді емес болды. «Лукойл» қазірдің өзінде Теңіздегі, Қарашығанақтағы және Құмкөлдегі мұнай кен орындарын игеру жобаларында үлестері мен бірлескен кәсіпорындары бар Қазақстандағы ең ірі ресейлік инвестор болып саналады.
Сіздің реакцияңыз қандай?
