«Бүгін шыққым келмеген еді, бірақ, ақша керек…»: Жекпе-жек алдында анасының қазасын естіген қазақ файтері көпті жылатты (ВИДЕО)
Бүгін шыққым келмеген еді, бірақ шықтым. Ақша керек дегендей…
![«Бүгін шыққым келмеген еді, бірақ, ақша керек…»: Жекпе-жек алдында анасының қазасын естіген қазақ файтері көпті жылатты (ВИДЕО)](https://sadaqmedia.kz/uploads/images/202407/image_870x_669e5242e78f5.jpg)
Жекпе-жек шебері Ернат Түгелбеков анасының ұзақ жылғы сырқаттан көз жұмғанын айтып, көптің көңілін босатты. Файтер суық хабарды жекпе-жекке шықпай тұрып естіген, - деп хабарлайды Sadaqmedia.kz.
“Балқаш жолбарысы” деген лақап атпен алаңға шығып жүрген қазақ файтері Ернат Түгелбеков кезекті айқасын жеңіспен аяқтады. Алайда ол жеңісіне бұрынғыдай қуана алмады.
“Осыдан 3 сағат бұрын суық хабар келді. Таңертең анашым Раббысына қайтыпты, жаны жәннатта болсын! Бүгін шыққым келмеген еді, бірақ шықтым. Ақша керек дегендей… Анашым 7 жыл қатерлі ісікпен күресті. Анашым, сіз осы аурудан жазылып шықсаңыз Меккеге, Дубайға апарамын ба деген ой болған. 7 жыл көрген қиыншылығыңызды ақтаймын деп қыдыртамын ба дегем. Анам қатты ауырды”, – дейді файтер көз жасына ерік беріп.
Ернат өз жеңісін анасына арнады. Қарсыласы да Ернатқа көңіл айтып, құшағына алды.
Отандық спортшының сөздері желі қолданушыларын бей-жай қалдырмады. Көпшілік файтерге көңіл айтып, қолдау білдірді.
“Иманы жолдас болсын”, “Жүрегім қан жылап тұр”, “Алла сабыр берсін”, “Бекем бол”, “Арты қайырлы болсын! Мен де анамды Мекке апарып үлгермеймін бе деп қорқамын”, – деп жазды желідегілер.
Посмотреть эту публикацию в Instagram
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)