Су тасқыны: Еліміздегі барлық имам бір мезетте дұға жасады
Алла Тағаладан елдің амандығы мен тыныштығын сұрап дұға тіледі.
Бас мүфтидің бастамасымен имамдар су тасқынына байланысты дұға жасады, деп хабарлайды Sadaqmedia.kz ақпарат порталы El.kz - ке сілтеме жасап.
Қазақстан мұсылмандары діни басқармасының төрағасы, Бас мүфти Наурызбай қажы Тағанұлының «Бір мезетте бір дұға» игі бастамасына еліміздің барлық өңірінде мешіт имамдары мен жамағаты үн қосып, су тасқынына байланысты Құран оқып, дұға жасады.
Атап айтқанда, жамағатпен бір мезетте дұға жасау Астана, Алматы мен Шымкент қалалары, сондай-ақ облыс орталықтары мен аудандарында құптан намазы алдында ұйымдастырылды.
Имамдар жамағатпен бірге су тасқынынан зардап шеккендерге жеңілдік тілеп, Алла Тағаладан елдің амандығы мен тыныштығын сұрап дұға тіледі.
Сіздің реакцияңыз қандай?
