Қазақтың қазы-қартасы әлемдегі үздік шұжықтар тізіміне енді
Ұлттық тағам 81 орынға жайғасқан.
TasteAtlas рейтінгі әлемдегі үздік 100 шұжықтың рейтінгісін жариялады. Қазақтың ұлттық тағамы қазы 81-орында тұр, деп хабарлайды Azattyq Ruhy.
«Қазы Өзбекстан мен Қырғызстан сияқты Орталық Азияның басқа елдерінде де дайындалатын жылқы етінен жасалған қазақ шұжығы. Дәстүр бойынша шұжық қабырғадан алынған ет пен майдан жасалады. Ол әдетте ішекке салынбас бұрын, бұрыш қосылып, тұздалады. Шұжықты шикі немесе аздап сүрленген күйінде сатуға болады, оны қолданар алдында әдетте қайнатып, туралған күйінде береді. Қазы жеке ас ретінде ұсынылғанымен, оны әртүрлі тағамдарға да қосуға болады», - делінген астың сипатында.
TasteAtlas азық-түлік рейтингтері TasteAtlas аудиториясының бағалауына негізделген. «Әлемдегі ең жақсы 100 шұжық» тізіміне 2024 жылдың 15 мамырына дейін 7274 рейтинг тіркелді, оның 5465-і жүйе заңды деп танылды.
TasteAtlas рейтингтерін азық-түлік туралы түпкілікті жаһандық қорытынды ретінде қарастыруға болмайды. Олардың мақсаты-керемет жергілікті тағамдарды танымал ету, дәстүрлі тағамдарға мақтаныш сезімін ояту.
Сіздің реакцияңыз қандай?
