«Атам әйел табылады, ажырасыңдар деді»: Танымал жайдарманшының әйелі не үшін ажырасқанын айтты

Танымал жайдарманшы Нұрсұлтан Жақсыгеннің бұрынғы әйелі Фариза Алмасқызы не үшін ажырасып кеткендерін түсіндірді, - деп хабарлайды Massaget.kz тілшісі.

Фаризаның сөзінше, үйленгеннен кейін 4 жыл күйеуі Нұрсұлтанмен пәтер жалдап тұрған.

"Ол кездегі көріп жүрген вайндарыңыз ешқандай өтірік емес, барлығы шынайы махаббатпен түсірілген еді… Өйткені біз ол кезде ұрыспақ түгілі бір-бірімізге дауыс көтермейтін адам едік, одан кейін үй салып, ауылдан ата-анамызды көшіріп алып бірге тұрдық. Сол кезден басталды бәрі… Бір жасқа толмаған баламен ол кезде үйде болдым, сосын енем жаймен жұмысқа шық дегенді бастады, оған мен қуанып түсінігі мол екен деп жұмысқа шықтым. Одан кейін айлығыңды маған толық әкеліп өткізіп қоятын бол деген әңгімені естідім де аузым ашылған күйінде қалдым, осы уақытқа дейін Нұрсұлтанға ата-енеммен болған конфликттің біреуін айтпағам, ол енді естіп өзі де шок болып жүр, бірақ соның бәрін біле тұра, өзін ақтап алу үшін жертва состояниесіне кіріп, мені масқаралап жазыпты. Одан кейін айлығымды бермеймін, өзіме балаларыма жұмсаймын дедім, өйткені ақшаға мұқтаж кісілер емес, Нұрсұлтан барынша 200, 500 мыңдап мамаға да, папаға да салып отыратын", - дейді Фариза. 

Оның сөзінше, артынша ата-енесі түрлі нәрсе үшін тиісе бастаған. 

"Содан бастап тиісе бастады, кеш келгенім үшін айқай-шу, шашымды боясам, неге бояйсың, қисам, неге қиясың, тойға барсам, неге барасың? Осының барлығын маған ғана емес, Нұрсұлтанға қайта-қайта айтып шұқи берген. Ол кісілердің сөзінен Нұрсұлтанның отношениесі өзгере бастады, жиі ұрыса бастадық, жұмыс істемейсің үйде отырасың, орамал тағасың деді. Жақсы, бірақ өзім жауып жүрген барлық қажеттіліктерімді жауып отырасың дедім де барлығынан бас тарттым. Иә деп келіскенімен, сол жерде айтылған күйде қалды. Сонда ол кісілердің ойынша, мен не жұмыс істеп барлық айлығымды өткізіп қоюым керек, не үйде отырып азаннан кешке дейін қызмет қылуым керек. Мен жұмыстан қашпаймын, кез-келген әйелдің істейтін тірлігі, барлығы өзім үшін, бірақ элементарно үй жинағаныңды, тамақ істегеніңді олар жұмыс деп қабылдамайды екен, одан больше хотят. Сосын балама келсек, Айсұлтан диагнозына қарай слишком агрессивный, оның ашуланып жылағанын жаймен қабылдаймын, бірақ атам үнемі айқайлап, оны ұру керек, мұндай балаларды ұрып тәрбиелемесе бетімен кетеді, деген сөзі қатты батқан жүрегіме", - дейді Фариза. 

Сонымен қатар, соңғы болған жайт туралы айтқан. 

"Нұрсұлтан кешке келген кезде атам екеуімізді шақырып алып, менің көзімше: "Нұрсұлтан, сен өнер адамысың, саған әйел табылады, ажырасыңдар!" деді. Сол кезде енемнің айтқан сөзі: "иә, бұл біресе шашын бояйды, біресе тойға барады, енді бәрін ұмыт, үйде отырасың ешқайда шықпай" деп таңқалдырды. Дәл солай екеуіміздің бетімізге былш еткізіп айта салды. Ажырасыңдар деген адаммен қалай бірге тұрасың?", - дейді Фариза. 

Бұл Фаризаның экс-күйеуінің жазбасына жауап ретінде жазғаны көрінеді. Себебі бұған дейін Нұрсұлтан Жақсыген де жазба жариялап, ол жерде әйелімен не үшін ажырасып кеткенін жазған болатын. 

"Ауылдан ата-анамды қалаға алып келіп, қанша ғұмыры қалды дейсің, жағдайын жасап, немерелерінің алдында мәз болып жүрсін деп едім. Өздері қалаға үйренісе алмай жүргенде келінінен сөз есту қандай қиын десеңші. Екі ортада қалып қойсам да әліптің артын бағып түзелер десем де, енді мені жамандап әлек, әлуметтік желіде. Үй болған соң ыдыс-аяқ сылдырамай тұрмайды деп жылы жауып қоя салатындай емес. Жәннатқа жету жолын ерін ата-анасының разылығына, әйелінің жәннатын ерінің разылығына байлап қойған жоқ па. Дүние, ақша дегенге ешкім жеткен емес, отбасың ойран болып жатса, ешнәрсе де керек емес. Ақылға көнейік, бізден басқа балапандарымызға кім ата-ана бола алады деген нәрсені де тыңдаған жоқ. Өзі барып арыз беріп, өзі алимент төлетемін деп тартып қалды. Балалар дегенде ет жүрегім езіліп кетердей әкелік махаббатымды быт-шыт қылды. Бізде бәрі болды махаббат та, сезім де, үй де, ақша да.. тек "кешірші менің қателігімді деген иілу болмады", - дейді Нұрсұлтан Жақсыген. 

Айта кетейік, Нұрсұлтан Жақсыген - көпшілікке Жайдарман ойындары арқылы танылған болатын. Ол Жайдарманда Ұлттық құраманың мүшесі болды.