Елімізде әйелдерге он бес жастан бастап бала тууға рұқсат берілуі мүмкін

Қазақстанда бала туу жасы енді заңмен бекітіледі, деп хабарлады sadaqmedia.kz ақпарат порталы.

Жаңа құжат бойынша, 15-49 жас аралығындағы қыз-келіншектер «репродуктивті жаста» болып есептеледі. Бұл ұғым енді халық денсаулығы және денсаулық сақтау жүйесі кодесіне енгізілгелі жатыр.

Денсаулық сақтау министрлігінің мәліметінше, 42 жастан кейін қыз-келіншектердің босануы қиындайды. Мұны клиникалық тәжірибе көрсеткен.

Жыл сайын репродуктивті клиникаға 49 жастан асқан 25-30 әйел жүгінеді екен. Бұл әйелдер 10-12 жыл бұрын қатырып қойған жұмыртқа клеткасын қолданады немесе экстракорпоральды ұрықтандыру жасайды.

Былтыр ЭКО-ның қызметіне 28 әйел жүгініп, оның жартысы босанған.