Бангладеште студенттер мен полиция арасында қақтығыс болып, 17 адам қаза болды

Бангладеш билігі бүкіл елде жоғары қауіп режимін енгізді. Интернет барлық жерде үзілген, кейбір аудандарда телефон желілері жұмыс істемейді. Мұндай шаралар бірнеше күннен бері жалғасып келе жатқан студенттер наразылығына қатысты. Ел астанасы Даккада шерушілер мен полиция арасындағы қақтығыс салдарынан ондаған адам қаза тауып, жүздеген адам жараланды, деп жазады ВВС.

Бейсенбі күні Даккада BTV мемлекеттік телеарнасының ғимараты өртенді.

Бангладеш ақпарат министрі хабар тарату тоқтатылғанын және қызметкерлердің көпшілігі ғимараттан шығарылғанын хабарлады.

Студенттер 1971 жылғы Пәкістаннан тәуелсіздік соғысы ардагерлерінің туыстарына мемлекеттік сектордағы жұмыс орындарының үштен бірі сақталған жүйені өзгертуді талап етіп көшеге шықты.

Студенттер қолданыстағы тәртіпті кемсітушілік деп атайды және әрбір жеке үміткердің біліктілігі негізінде жұмысқа қабылдауды талап етеді.

Үндістандағы Бангладеш студенттерімен ынтымақтастықтың белгісі ретінде жүздеген адам көшеге шықты. Бүкіл Үндістанның демократиялық студенттер ұйымы (AIDSO) Калькуттада жаппай шерулер ұйымдастырды.

inform.kz