Абай облысында көлемі жаңғақтай бұршақ жауып, үйлердің шатырын талқандап кетті (ВИДЕО)
Бұршақ диаметрі 40 мм.
Абай облысының Абай ауданында кенет күн бұзылып, жаңғақтың көлеміндей бұршақ жауды. Жергілікті тұрғындар бұршақ пен жаңбырды фото-видеоға түсіріп, желіде таратты, - деп жазады sadaqmedia.kz ақпарат порталы nur.kz сайтына сілтеме жасап.
Жұрт бұршақтың көлемін жаңғақтай деп таңғалған. Тіпті үйлердің шатыр жабындысын да тесіп өткен. Ал құтқарушалыр аудан тұрғындарынан арыз-шағым болмағанын мәлім етті.
"Абай ауданында Құндызды және Көкбай ауылдық округтерінің аумағында ашық жерлерде бұршақ жауды. Бұршақ диаметрі 40 мм-ге дейін болды. Халықтың тыныс-тіршілігі мен шаруашылық объектілерінің жұмыс істеу жағдайлары бұзылмады. Зардап шеккендер тіркелгендер жоқ", - деді Абай облысы ТЖД азаматтық қорғау аға лейтенанты Бауыржан Болатбекұлы.
Сіздің реакцияңыз қандай?
