Ақтөбедегі атыс: бір адам қаза тапты, 8 адам жарақат алды
Қылмыс жасады деген күдікпен 4 адам қамауға алынды.
![Ақтөбедегі атыс: бір адам қаза тапты, 8 адам жарақат алды](https://sadaqmedia.kz/uploads/images/202405/image_870x_6655a3ead819f.jpg)
Ақтөбе қаласында атыс болып, бір адам қаза тапты. Ақпаратты облыс әкімдігінің баспасөз қызметі растады, деп хабарлады Sadaqmedia.kz.
Ресми ақпарат бойынша, 28 мамырда Ақтөбе қаласындағы Жедел медициналық көмек ауруханасына 18-22 жас аралығындағы 9 тұрғын жеткізілген. Олардың аяғына оқ тигені, пышақ жарақаты бары анықталған.
«Ауруханаға жеткізілгендердің бірі пышақ жарақатынан реанимация бөлімшесінде қайтыс болды», - делінген ресми ақпаратта.
Облыстық денсаулық сақтау басқармасының хабарлауынша, 2006 жылы туған науқас ауруханаға ес-түссіз күйде жеткізілген. Оның бірнеше пышақ жарақатын алғаны анықталған. Оған 30 минут бойы жансақтау бөлімінде көмек көрсетілген, алайда науқас алған жарақатынан қайтыс болды.
Тағы жарақат алған 8 науқас травматология бөліміне жеткізілген. Ішінде 22 жастағы 2 науқас, 21 жастағы 1 науқас, 20 жастағы – 2, 19 жастағы – 1, 18 жастағы екі науқас бар.
Жергілікті полиция төбелеске қатысқандарды анықтап, қылмысты жасады деген күдікпен 4 адамды ұстады. Күдіктілер уақытша ұстау изоляторына қамалды. Адам өлтіру және бұзақылық деректері бойынша сотқа дейінгі тергеп-тексеру басталды.Э
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)