Алматыдағы зілзаладан кемі 8 адам зардап шеккен
Олардың кейбірі 2-3-қабаттан секірген.
Қаңтардың 23-інен 24-іне ауған түні Алматыда болған зілзала кезінде сегіз адам зардап шеккен, бәрі де емханаға жеткізілген. Мұны Алматы қалалық денсаулық сақтау басқармасы хабарлады.
"Үш адам екінші және үшінші қабаттан секіріп, жараланған. Зардап шеккен екі адам үйіне қайтарылған. Үшінші пациенттің жағдайы ауыр", — дейді хабарда.
Бес адам үйден жүгіріп шығып, жарақаттанған. Медициналық ем-домнан кейін бәрі де үйіне қайтарылған.
23 қаңтар сағат 00.09-да Алматыда 5 балл зілзала болды. Қазақстан төтенше жағдайлар министрлігінің сейсмикалық байқау және зерттеу ұлттық ғылыми орталығының мәліметінше, жер сілкінісінің эпицентрі Алматының оңтүстік-шығысынан 264 шақырым жерде, Қазақстан мен Қырғызстан шекарасында болған. Жер дүмпуінің магнитудасы 6,7.
МSК-64 шкаласы бойынша Алматыда жер дүмпуі - 5 балл, Шымкентте 2 балл болған.
Алматы қаласы төтенше жағдайлар департаментінің басшысы Нұрлан Атығаев адам шығыны мен қираған ғимараттар жайлы ақпарат түспегенін мәлімдеді. Артынша қала әкімдігі де жер сілкінісінен қаза тапқан, я жараланғандар жоқ деді.
Ал сағат 00:44-те Алматыда жүр дүмпуі қайталанғаны, екінші жер сілкінісі шамамен 2-3 балл болғаны хабарланды.
Азаттықтың Қырғыз қызметі Бішкек қаласы мен Ыстықкөл облысында қатты жер сілкінгенін, халық жаппай сыртқа шығып кеткенін хабарлады. Қырғызстан төтенше жағдай министрлігі де жер сілкінісінен қаза тапқандар және жараланғандар туралы ақпарат түспегенін айтты.
Азаттық радиосы
Сіздің реакцияңыз қандай?
