Шымкентте бір көше бойында орналасқан бірнеше дүкен жанып кетті

Құрылыс материалын сататын дүкен қоймаларындағы көптеген заттар өртке оранды.

Қаңтар 17, 2024 - 11:21

Шымкентте бір көше бойында орналасқан бірнеше дүкен жанып кетті

Әл-Фараби ауданына қарасты Әйтеке би көшесінің бойында орналасқан «Евролюкс», «Гармония», «Марморит», «Мэдина» дүкендері өртке оранды. Салдарынан құрылыс материалдарын сататын дүкендердердің сату орындары мен қоймаларындаға заттар түгелге жуық жанып кетті.

Өртті сөндіру жұмыстарына Шымкент қаласы төтенше жағдайлар департаментінің 200–ге жуық жеке құрам қызметкері мен 38 техникасы жұмылдырылды.

«Өрт түнгі сағат 03:07 минутта оқшауланып, сағат 04:51 минутта толығымен сөндірілді. Жалпы көлемі 2500 шаршы метрді құрайтын ғимараттың 1300 шаршы метрі өртенді. Қайтыс болғандар мен зардап шеккендер жоқ», - делінген Шымкент қаласы ТЖД қоғаммен байланыс тобы таратқан ақпаратта.