Петропавлда бүтін бір отбасын өлтірді деген күдіктілер ұсталды
![Петропавлда бүтін бір отбасын өлтірді деген күдіктілер ұсталды](https://sadaqmedia.kz/uploads/images/202311/image_870x_655de1ff27b65.jpg)
Петропавлда жер үйлердің бірінен үш адамның мәйіті табылды, деп хабарлайды sadaqmedia “Azattyq Ruhy” сайтына сілтеме жасай отырып.
Оқиға Петропавл қаласы Жұмысшы кентіндегі жер үйлердің бірінде болған. Қаза болғандар – ерлі-зайыпты мен олардың 17 жасар ұлы.
Бұл туралы хабарлама полицейлерге 28 желтоқсан күні сағат 13:25-те келіп түскен. Оқиға болған баспанаға жеткен тәртіп сақшылары үйден зорлық-зомбылықтың белгілері бар 3 жансыз денені анықтады.
Аталған факт ҚР ҚК 99-бабы 2-бөлігі 1-тармағы (Екі немесе одан көп адамды өлтіру) бойынша сотқа дейінгі тергеп-тексерулердің бірыңғай тізілімінде тіркелді.
«Солтүстік Қазақстан облысы полиция департаментінің қызметкерлері облыс орталығының 2 тұрғынын ізін суытпай ұстады. Күдіктілер Петропавл қаласы ПБ уақытша ұстау изоляторына қамалды. Қазіргі уақытта істің барлық мән-жайларын толық, жан-жақты және объективті зерттеуге бағытталған тергеу әрекеттері жүргізілуде. Іс облыстық прокуратура мен полиция департаментінің бақылауында. ҚР ҚІЖК-нің 201-бабына сәйкес сотқа дейінгі тергеп-тексеру деректері жария етілмейді», – делінген облыстық полиция департаментінің баспасөз қызметі таратқан ақпаратта.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)