Қазақстанда 2 бала қызылшадан шетінеді, 15 баланың хәлі мүшкіл

Қазақстан бойынша қызылша жұқтырған 15 баланың жағдайы ауыр. Осы уақытқа дейін 2 бала осы дерттен көз жұмды. Бұл туралы Бас санитар дәрігер Айжан Есмағамбетова мәлім етті, деп хабарлайды sadaqmedia.

Есмағамбетованың айтуынша, көз жұмған екі нәресте әлі бір жасқа толмаған. Оның біреуі - шала туған бала,

“Мерзімінен бұрын туған бір баланың көп патологиясы болған, оның үстіне қызылша жұққан. Екі бала да әлі бір жасқа толмаған. Бір өлім Астана қаласында, біреуі ШҚО-да тіркелді”,-деді ол.

Бас санитардың айтуынша, қазір Қазақстан бойынша қызылша жұқтырған 15 баланың жағдайы ауыр. Олардың көбі - қызылшаға қарсы вакцина алмаған балалар.