Алматыдағы хостелдердің бірінде 13 адам қаза тапты

Алматы қаласы Әди Шәріпов көшесінің бойындағы хостелде алдын ала болжам бойынша 13 адамның денесі табылды, деп хабарлайды sadaqmedia. 

Төтенше жағдайлар департаментінің хабарлауынша, бүгін, 30 қараша күні таңғы сағат 05:33-те Әди Шәріпов көшесіндегі жертөледе өрт шыққаны туралы қоңырау түскен. Өрттің аумағы 30 шаршы метр болған. Өрт сағат 06:22-де сөнген. Төтенше жағдайлар қызметкерлері алдын ала болжам бойынша 13 адам ыс тиіп уланған деген ақпарат таратты. 

Хостелде барлығы 72 адам түнеп жатқан. Оқиғаның мән-жайы әлі де анықталып жатыр.