Қостанай облысында өрт шығып, бір үйдің бес баласы көз жұмды
Аналары сырттарынан жауып, кешкі уақытта танысына кеткен.
Қостанай облысында өрт шығып, бес бала мерт болды, - деп хабарлайды Sadaqmedia.kz.
Қайғылы оқиға 11 қазанда Жітіқарада болған. Сағат 04.29-да жеке үйде өрт шығып, 1-8 жас аралығындағы бес бала қаза тапты. Балалар үйде жалғыз қалған. Алтынша бала аман.
"Құтқарушылар 7 минуттың ішінде келген. Алайда үй тұтас өртеніп кеткен", - дейді жергілікті әкімдік өкілдері.
Өрт сағат 06.08-де толық сөндірілген.
"Наша газета" басылымының мәліметінше, үйде 2011, 2016, 2018, 2019, 2022, 2023 жылы туған балалар болған. 2011 жылғы бала аман қалған.
"Алдын ала болжам бойынша, олардың анасы кешкі уақытта танысына кеткен. Күйеуі бас бостандығынан айырылған. Өрттің қайдан шыққаны анықталып жатыр", - делінген хабарламада.
Облыстық прокуратура мәліметінше, сотқа дейінгі тергеу амалдары басталған. Тергеу амалдары облыс прокурорының бақылауында.
Сіздің реакцияңыз қандай?
