«Си мырза бата берді»: Димаш Құдайберген Си Цзиньпинмен қалай танысқанын айтты
![«Си мырза бата берді»: Димаш Құдайберген Си Цзиньпинмен қалай танысқанын айтты](https://sadaqmedia.kz/uploads/images/202407/image_870x_6686448837f73.jpg)
Өнерімен күллі әлемді таңғалдырған Димаш Құдайберген Қытай Халық Республикасының төрағасы Си Цзиньпинмен танысқан кезін еске алды.
Айтуынша, Қытай басшысы оның өнерін жоғары бағалап, батасын берген, - деп хабарлайды Аikyn.kz. Димаш Құдайберген мен Си Цзиньпин 2017 жылы «I am Singer» жобасынан кейін кездескен екен.
«Си Цзиньпин мырзамен алғаш рет 2017 жылы I am a Singer жобасынан кейін кездескен едім. Ән айтып болғаннан кейін, маған ол кісі келіп, өнерім мен шығармашылығыма жоғары бағасын берді. Тіпті, бата беріп, ерекше әсерге бөледі. Ол тіпті менің жанкүйерім екенін айтты. Әйелі де менің жұмысымды бақылап жүретінін айтып, ерекше әсерлендірді. Ол кездесу мен үшін өте қуанышты жағдай еді. Президенттерге артылған жүк аса ауыр. Оны жақсы түсінемін. Екі елдің достығына орай, екі ән жазғаным есімде. Бірінші ән қытайша, екіншісі қазақша жазылды. Ол кісі рухани тұрғыда кемелденген адам. Әнді толыққанды түсінуге тырысып, сезініп, толғанады екен. Жалпы, өте мәдениетті кісі екені бірден байқалады», – деп еске алды Димаш CCTV телеарнасының «Идеялар өзгертеді» жобасында.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)