Шұғыл: Трамп жеңіске жеткенін мәлімдеді

Дональд Трамп Флоридадағы штабында жұрт алдына шығып, президент сайлауында жеңіске жеткенін жариялады.

 Ол "Бұл - Америка халқы үшін ғажап жеңіс. Американы, шекараны реттейміз" деп мәлімдеді.

Дауыс санауды тікелей эфирде бақылап отырған АҚШ-тың негізгі ақпарат құралдары Солтүстік Каролина мен Джорджияда Дональд Трамп жеңді деп мәлімдеді. Пенсильвания, Висконсин, Мичиган, Аризона және Невада штаттарында да Дональд Трамп басым түсіп тұр.

Дегенмен әзірге Демократиялық партия өкілі Камала Харристің де жеңістен үміті бар. Қазір Харристің 214 дауысы бар, ал жеңіске жету үшін 270 дауыс керек.
Ал Трамп 267 дауыс жинап үлгерді.

Дауыс санау әлі жалғасып жатыр.

Ескерту: Материалға Азаттық радиосының деректері пайдаланылды.