Өзін байқамай атып алған: Оралда 21 жастағы полицей қайтыс болды
Қазір өзін-өзі өлтіру дерегі бойынша сотқа дейінгі тергеу амалдары жүргізіліп жатыр.
Орал қаласында оқ жарақатын алған полиция қызметкері қайтыс болды.
БҚО Денсаулық сақтау басқармасының баспасөз қызметінен мәлім еткеніндей, 21 жастағы жігіт облыстық көпбейінді аурухананың жансақтау бөлімшесінде есін жимастан 27 маусымға қараған түнгі сағат 00.00-де көз жұмды.
Оқиға 24 маусым күні БҚО Полиция департаментінің бақылау-өткізу пункті ғимаратында болған еді. Оқ жарақатын алған полиция қызметкеріне облыстық ауруханада ота жасалған болатын.
БҚО Полиция департаменті баспасөз қызметінің мәліметіне қарағанда, қазіргі кезде өзін-өзі өлтіру дерегі бойынша сотқа дейінгі тергеу амалдары жүргізіліп жатыр. Басқа ақпарат ҚР Қылмыстық іс жүргізу кодексінің 201-бабына сәйкес жариялауға жатпайды.
Сіздің реакцияңыз қандай?
