«Өзі осыған жеткізді»: Павлодарда әкімнің баласы мектепте қыздың мұрнын сындырған (ВИДЕО)
Мысалы, көбі мас болып келген күйеулерін осыған жеткізеді.
Павлодардағы білім беру мекемелерінің бірінде 6-сынып оқушысы қыздың бетінен ұрып жіберген. Қалалық мәслихат депутаты жағдайға қатысты екіұшты пікір айтты, деп жазады Sadaqmedia.kz ақпарат порталы.
Болған жайттың видеосы abdulla_kz_kz инстаграм парақшасында жарияланды. Кадрда екі қыздың ұл балаға жақындап келе жатқанын көруге болады. Олардың не туралы сөйлесіп жатқаны естілмейді, бірақ жасөспірім кетіп қалуға тырысқанымен, оқушы қыздардың бірі жолын бөгейді. Әңгімелесудің соңы баланың қызды бірнеше рет ұрып жіберуімен аяқталады. Павлодар қалалық мәслихатының депутаты Гүлжайна Даримова жағдайға қатысты пікір білдірген. Оның видеосы әлеуметтік желілерде тарап жатыр.
"Ол қызды үш рет айналып өтпек болды, бірақ қыз оны өткізбей, тіл тигізе бастады. Мен тіпті кімді жақтарымды білмей отырмын. Менің ойымша, қыз шынымен ұл баланы осыған жеткізді. Мысалы, көбі мас болып келген күйеулерін осыған жеткізеді. Ер адам үйге келгенде әйелі оған әйелдік күш көрсетеді, ал еркек оны алып бар күшімен ұрып жібереді. Осындай әйелдер бар, шынын айтайық", — дейді депутат Гүлжайна Даримова.
"Сұмдық! Әйелге жасалған зорлық-зомбылықты ақтайтын және еркектердің күш көрсетуін ақтап отырған депутат", "Біз лайықты депутат", "Зорлық-зомбылықты ақтауға болмайды, ол кім болса да: қыз ба, ұл бала", - деп жазды әлеуметтік желі қолданушылары.
Павлодар облысының полиция департаменті мектептегі жанжал биыл 10 қаңтарда болған деп жауап берді. 6-сыныпта оқитын ұл бала мен 7-сыныпта оқитын қыз бала жанжалдасып қалған.
"Сарапшының қорытындысына сәйкес, келтірілген дене жарақаты жеңіл дәрежеде. Кәмелетке толмаған баланың іс-әрекеті — денсаулыққа қасақана жеңіл зиян келтіру болып саналады. Алайда жасөспірім жауапкершілік басталатын жасқа толмағанын ескере отырып, полиция баланың ата-анасын кәмелетке толмаған баланы тәрбиелеу жөніндегі міндеттерді орындамағаны үшін, соның салдарынан қасақана әрекет жасағаны үшін жауапкершілікке тартты", — деп түсіндірді департаменттің баспасөз қызметі.
Полицейлер материалдық шығынды өтеу үшін жәбірленуші тарап азаматтық сотқа талап арыз беруі керектігін атап өтті.
View this post on Instagram
Сіздің реакцияңыз қандай?
