Мәскеудегі теракт: Тоқаев Қауіпсіздік Кеңесінің шұғыл отырысында не айтты?
Президент ел азаматтарының қауіпсіздігін қамтамасыз етуге бағытталған бірқатар тапсырма берді.
Мемлекет басшысы Қауіпсіздік Кеңесінің шұғыл отырысын өткізді, - деп хабарлайды sadaqmedia.kz ақпарат порталы.
Президент Қасым-Жомарт Тоқаевтың төрағалығымен Қазақстан Республикасы Қауіпсіздік Кеңесінің шұғыл отырысы өтті.
- Мемлекет басшысы бейбіт тұрғындарға қатысты Мәскеу облысында болған зорлық-зомбылық әрекетті тағы да айыптай отырып, терроризмге қарсы күресте Қазақстанның Ресеймен бірге екенін растады.
- Жиын барысында құқық қорғау құрылымдары мен жергілікті атқарушы органдардың жұмыс жоспары, сондай-ақ экстремалды жағдайлардағы олардың қызметін үйлестіру мәселелері қарастырылды.
- Президент ел азаматтарының қауіпсіздігін және терроризмге қарсы күрес мақсатында Қазақстанның басқа мемлекеттермен және халықаралық ұйымдармен ықпалдастығын қамтамасыз етуге бағытталған бірқатар тапсырма берді.
Сіздің реакцияңыз қандай?
