Марқұм Салтанаттың ағасы Қызылордада сыныптастары жезөкшелікке жеккен оқушыға 17 млн теңге жинап берді

Қызылорда қаласында сыныптастары жезөкшелікпен айналысуға мәжбүрлеген 16 жасар қызға еріктілер 17,9 млн теңге жинап берді. Бұл туралы қоғам белсендісі, марқұм Салтанат Нүкенованың ағасы Айтбек Амангелді айтты, деп хабарлайды inbusiness.kz сайты. 

Ол оқушы мен анасы үшін қанша қаражат жиналғанын және ол ақша қалай жұмсалып жатқанын Instagram парақшасында бөлісті.

Тағы оқыңыз: «Әке-шешеңді өлтіртеміз» – Қызылорда облысында 16 жастағы қызды сыныптастары жезөкшелікке салған

Қыздың таксидегі ақшасы, қонақ үйдегі  броны, билетінен басқа олар 100 мың теңгені НеМолчи қорына аударған. Қызын күнде ауруханаға апару үшін анасына тағы 100 мың теңге аударған және оқушы қызға 200 мың теңгеге шпиц тұқымды күшік сатып алып берген. Тағы 100 мың теңгені азық-түлігіне аударған.

Айтбектің айтуынша, бас аяғы 17 млн 984 мың 909 теңге жиналған.  Оның 922 мың теңгесін жұмсап үлгерген.

Сондай-ақ, кестедегі шығындар күн сайын жазылып отырады. Сонымен қатар кез келген адам оны қарап, сұрақтарын да қоя алады.

Тағы оқыңыз: Қызылордалық секс-құлдықта болған оқушы оқиғасы: министр Бейсембаев пікір білдірді

Естеріңізге сала кетейік, бұған дейін Қызылордада 16 жасар қызды жезөкшелікке итермеледі деген күдікпен мектеп оқушыларына қатысты іс қозғалды.