Костенко шахтасында қаза тапқан кеншілердің несиелері кешіріледі
![Костенко шахтасында қаза тапқан кеншілердің несиелері кешіріледі](https://sadaqmedia.kz/uploads/images/202310/image_870x_653d1004bcb06.jpg)
Қарағанды облысының әкімдігі уәкілетті мемлекеттік органдармен бірлесіп, Костенко атындағы шахтада болған өрт салдарынан қаза тапқан «АрселорМиттал Теміртау» АҚ жұмысшыларының отбасы мүшелерінің тізімін жасап жатыр,деп хабарлайды sadaqmedia.kz.
Премьер-министрдің баспасөз қызметі хабарлағандай, қаза тапқан кеншілердің отбасыларына барынша көмек беріледі. Атап айтқанда, келесі қолдау шаралары қарастырылған:
– компания қаражаты есебінен отбасыларға баспана сатып алу;
– моральдық зиян үшін 10 жылдық жалақы мөлшерінде біржолғы төлем;
– асырауында болған балаларға 18 жасқа толғанға дейін ай сайынғы сақтандыру төлемі (ЖОО студенті болса, 23 жасқа дейін);
– Мемлекеттік әлеуметтік сақтандыру қорынан жалақысына байланысты ай сайынғы төлем;
– қамқорлықтағы адамдардың санына байланысты асыраушысынан айырылу жағдайы бойынша ай сайынғы мемлекеттік жәрдемақы;
– жұмыс берушінің қаражаты есебінен отбасылардың несиелерін өтеу;
– жерлеуге байланысты барлық шығындарды өтеу;
– қаза тапқандардың балалары мен жұбайларын жұмысқа орналастыру;
– 23 жасқа дейінгі балалардың оқу ақысын төлеу;
– қаза тапқандардың жұбайлары мен балаларына санаторий-курорттық емделуге жолдамалар беру;
– үйді пешпен жылытатын отбасыларға жыл сайын көмір бөлу.
Мемлекет басшысының тапсырмасына сәйкес «АрселорМиттал Теміртау» АҚ-ның қаза тапқан қызметкерлерінің отбасыларына барлық қажетті көмек көрсету мәселелері ҚР Үкіметінің ерекше бақылауында.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)