Көшпенділер ойыны: Тоғызұмалақтан БАҚ өкілдері арасында ашық жаттығу өтті

Бүгін Назарбаев университетінің спорттық алаңында тоғызқұмалақ, овари және мангаладан ел құрамасы БАҚ өкілдері үшін арнайы ашық жаттығу өткізді, деп хабарлады sadaqmedia.kz ақпарат порталы.

Оқу-жаттығу жиынына тоғызқұмалақ, овари және мангала спортының бас жаттықтырушылары, команда мүшелері және БАҚ өкілдері қатысты. Ұлттық құрама мүшелері соңғы дайындықтары мен оқу-жаттығу жиындарының нәтижелері мен алдағы жоспарлары туралы айтты.

5-ші дүниежүзілік көшпенділер ойындарында тоғызқұмалақтан 4, овариден 4, мангаладан 4 спортшы ел намысын қорғайды. Спортшыларымызды жыл бойы іріктеуден өткізіп, ең үздіктерінен құрам жасақтадық. Қазіргі уақытта Назарбаев университетінің спорт алаңында 27 тамыздан бастап жаттығып жатырмыз. Бұл біздің қорытынды оқу-жаттығу жиынымыз 7 қыркүйекке дейін созылады. Әрі қарай көшпенділер ойындарына қатысамыз, - дейді тоғызқұмалақтан ұлттық құраманың бас жаттықтырушысы Айнұр Жакыпбаева.

Айта кетейік, 5-ші дүниежүзілік көшпенділер ойындары Астанада 8-13 қыркүйек аралығында өтеді. Тоғызқұмалақ, овари және мангала ойындары «Думан» қонақ үйінде өтеді деп жоспарланған.