Қарағанды облысында жол апатынан екі адам көз жұмды
Ауруханаға түскен 44 жастағы ер адамның жағдайы ауыр.
![Қарағанды облысында жол апатынан екі адам көз жұмды](https://sadaqmedia.kz/uploads/images/202406/image_870x_6673b24a1e960.jpg)
Қарағанды-Балқаш тас жолында болған жол апаты екі адамның өліміне әкеп соқты. Hyundai Starex көлігінің жүргізушісі жолдағы үйіндіге соғылып, екі адам қаза тапты, төртеуі жарақаттанып, Балқаш қаласының Орталық ауруханасына жеткізілді, деп хабарлады ekaraganda.kz.
Қарағанды облысы ТЖД мәліметінше, апат 18 маусымда сағат 1:11-де Қарағанды-Балқаш тас жолының 749-шы шақырымында Ақшатау маңында болған.
Hyundai Starex көлігінің жүргізушісі жолдағы үйіндіге соғылған. Оқиға орнына Қарағанды облысы бойынша ТЖМ апаттық медицина орталығының құтқарушылары көмекке шықты.
«Құтқарушылар келгенге дейін екі зардап шегуші қайтыс болды. Олардың жарақаттары өте ауыр болған. Төрт зардап шегуші аман қалды, олардың ішінде үш бала — 6, 9, 15 жаста және 44 жастағы ер адам бар. Балаларға және ер адамға оқиға орнында жедел медициналық көмек көрсетілді. Белгілі болғандай, 44 жастағы ер адам ауыр жағдайда», - делінген ақпараттық порталдың хабарламасында.
Барлық зардап шегушілер Балқаш қаласының Орталық ауруханасына жеткізілді.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)