«Еркенің бір бөлшегі сіздермен бірге, дайын болыңыздар»: Ерке Есмахан құпиясын бөлісті

Әнші Ерке Есмахан Instagram-дағы парақшасына жақында жеке бизнес ашқалы отырғанын жазды, деп жазады Sadaqmedia.kz.

Айтуынша, ол оқырманға өзінің «энергиясы толы» затты ұсынбақ. Алайда оның нақты не екенін айтпай, әзірге құпия сақтап отыр.

Бұл идеямды жақындарыма, құрбыларыма... әлі ешкімге айтпадым. Желіде де сіздерді қызықтырып, дайындап, көз бен құлақтарыңызды үйретуге тырыспадым. Өйткені бір ғана мақсатым болды. Реті келіп, бәрін өзім айтамын деп ойладым. Осы уақыт ішінде қазақ қыз-келіншектердің өзіне не қалайтынын зерттедім. Олардың қалауын бір жерге жинап, түйіндегім келді. Әйелдің жанын әйел түсінеді ғой. Мен сіздерді түсіндім. Әр әйелдің жүрек түбіндегі арманы ұқсас. Қыз бала түрлі сынақтардан өтеді. Әр ару бақытты ғұмыр кешуі керек деп ойлаймын, – дейді әнші.

Сондай-ақ ол су жаңа тауарын жақында сатылымға шығаратынын хабарлады.

Мен – анамын, әншімін, жармын, қазақтың еркелеп жүрген қызымын. Алайда инстасаудагер емеспін. Осы заман талабына сай марафон, курс ойластырып, сатпадым. Сұраныс күн сайын болса да келіспедім. Жақында мен сіздерге ұсынатын нәрсе – өз өмірімнен, жүрегімнен, махаббатымнан, арманымнан туындаған зат. Осы затпен мен сіздерге бір қадам жақындаймын. Осы затты алған соң «Ерке Есмаханның бір бөлшегі» сіздермен бірге болады. Бұл затта менің энергиям бар. Өйткені бұл заттың авторы – мен. Дайын болыңыздар, жақын күндері көрсетемін, – деп жазды Ерке Есмахан.