«Енді ұл туып, бақытты бол»: Жұлдызай Дүйсенбиева ұл тумаған әйелдерді кінәлайтындарға жауап берді
"Еркектен еркек туады" деген қайдан шыққан қағида", – деп күйінді ол.
![«Енді ұл туып, бақытты бол»: Жұлдызай Дүйсенбиева ұл тумаған әйелдерді кінәлайтындарға жауап берді](https://sadaqmedia.kz/uploads/images/202407/image_870x_66a3751e0ddb6.jpg)
Қазақстандық танымал актриса әрі әзілкеш Жұлдызай Дүйсенбиева әйелдерді ұл тумағаны үшін кінәлайтын ер адамдарға үндеу жасады. Өнер иесі қазіргі қоғамда "ұл баланы дүниеге әкелу - бақыттың шыңы" деп есептейтіндерге шүйлікті.
Жұлдызай Дүйсенбиева ұл туған әйелді ғана бақытты адам деп санау дұрыс емес екенін айтты. Актрисаның сөзінше, тіпті өзінің оқырмандары да оған ұл бала туып алуға кеңес береді.
"Маған жеке парақшама кейбір кісілер, "Енді бір ұл туып, бақытты болыңызшы" деп жазады. Ұлым жоқ болғаны үшін мен бақытсыз екенмін. Ұл да, қыз да – перзент. Құдай кімді берсе, соны аласың. Сол дүниені түсінбеймін. Ұл туу – бақыттың шыңы. Ұл туған әйелді бақытты етіп қойған. Мен үшін ауыр ұғым. Мен ұл тусам ғана бақытты екенмін. Бір қызым болса да, мен бақыттымын. Жиен мен немерені де бөлгенін қаламаймын. Ұл тумадың деп еркектер әйелдерін кінәлайды. Тіпті сол үшін ажырасып жатады екен. "Еркектен еркек туады" деген қайдан шыққан қағида", – деп күйінді өнер иесі "Мамский әңгіме" подкастында.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)