«Бұған дейін бірнеше рет микроинсульт алған»: Роза Рымбаева күйеуінің қазасы туралы айтты
Әнші жарынан екінші ұлы алты айлық кезінде айырылып қалған.
Қазақстанның Халық әртісі Роза Рымбаева журналист Динара Сәтжанға берген сұхбатында күйеуі Тасқын Оқаповтың қазасы туралы айтты, - деп хабарлайды sadaqmedia.kz.
«Әлиді 33 жасымда босандым. 9 жылдан кейін Мәди өмірге келді. Күйеуім ұйықтап жатқан кезінде қайтыс болған. Ұйқыдан оянған кезде ол сұп-суық болып жатты. Мен үшін әрине күтпеген жағдай болды. Бұған дейін бірнеше рет микроинсульт алған. Оған мән бермей, дәрігерлерге бармай жүрді. Ұйқыда жатқан кезінде соңғы инфаркт болған», - дейді Роза Рымбаева.
Роза Рымбаеваның сөзінше, ол күйеуінен екінші ұлы алты айлық кезінде айырылып қалған.
«Бірнеше рет ауруханаға түсіп қалдым. Балам түсіп қалуы қаупі болды. Бірақ мен Әлиді және ішімдегі баланы ойладым. Содан бері балаларым үшін қолымнан келгеннің бәрін жасап, жұмыс істеп жүрмін», - дейді әнші.
Бұған дейін Мақпал Жүнісованың Заманбек Нұрқаділовтің өзіне айтқан соңғы сөзін жария еткені туралы жазған болатынбыз.
Сіздің реакцияңыз қандай?
