Бишімбаев ісі бойынша танылған прокурорлар медаль тағынды

Қуандық Бишімбаевтың ісі бойынша мемлекеттік айыптаушылар – Айжан Аймағанова мен Саяхат Нұрбеков Республика күніне орай арнайы марапаттарға ие болды, деп хабарлайды Sadаqmedia.kz ақпарат порталы.

Ұлттық мереке қарсаңында мемлекет басшысының жарлығымен бірқатар прокурордың заңдылықты және құқық тәртібін нығайтудағы еңбегі мемлекеттік наградалармен атап өтілді. Сондай-ақ, Бас Прокурордың бұйрығымен қызметтік борышын үлгілі орындағаны үшін прокуратураның ерекше көзге түскен қызметкерлері мен жұмыскерлері ведомстволық медальдармен және алғыс хаттармен марапатталды.

Бас прокурордың ұсынысы бойынша мемлекет басшысының жарлығымен Аймағанова мен Нұрбеков «Ерен еңбегі үшін» медалімен марапатталды.

Айта кету керек, «Ерен еңбегі үшін» медалімен азаматтар экономикадағы, әлеуметтік саладағы, ғылымдағы, мәдениеттегі және мемлекеттік қызметтегі жетістіктері үшін марапатталады.