«Бала өлтірдің»: ІІМ Нүкенованың анасының Бишімбаевқа айтқан сөзін тексереді
Өткен өмірің туралы айтып беруімді қалайсың ба?
Ішкі істер министрлігі Нүкенованың анасының “Бишімбаев бала қағып кеткен” деген сөзіне қатысты тексеру жүргізілетінін мәлімдеді, деп жазады Sadaqmedia.kz ақпарат порталы Stan.kz - ке сілтеп.
Ішкі істер министрінің орынбасары Игорь Лепеха Нүкенованың анасының сөздері назардан тыс қалмағанын айтты.
"Ішкі істер министрлігі барлық фактілер бойынша тексеру жүргізді. Қазір тергеу бөлімінің бастығына тапсырма беремін. Егер бұл факті орын алған болса, оны тексереміз. Егер жоқ болса, мен оларға қарауды бұйырамын, бірақ іс сотта. Сот бізге қосымша ұйғарым шығаруы мүмкін. Егер сот отырысында жаңа мән-жайлар туындаса, олар бізге тергеуді, тексеруді тапсырады", - деді Лепеха.
Бұған дейін сот отырысында Бишімбаев аса қатыгездікпен кісі өлтіргенін мойындамайтынын айтқан еді. Сол сәтте Салтанат Нүкенованың анасы көзіне жас алып, бүкіл сот залына оның әрекеті туралы айтқан болатын.
"Мен қызымды жерледім. Оның жүзін де көрмедім. Бұлай айтуға қалай дәтің барады?! Оны бірнеше сағат бойы қинап өлтірді. Өткен өмірің туралы айтып беруімді қалайсың ба? Баланы қалай өлтірдің?”, – деді Салтанаттың анасы.
Сіздің реакцияңыз қандай?
