Астанада жаңа аудан құрылады

Елордадағы Алматы ауданы екіге бөлініп, қайта құрылады, деп хабарлайды Астана әкімдігі.

"Халық санының өсуіне және аумақтың қала құрылысы инфрақұрылымының белсенді дамуына байланысты, сондай-ақ әкімшілік-аумақтық басқаруды оңтайландыру мақсатында Астана қаласында Алматы ауданын қайта ұйымдастыру туралы шешім қабылданды", - делінген әкімдік хабарламасында.

Тұрғындар талқысына түсетін ұсыныс мынадай:

өзінің тарихи атауын сақтайтын – Алматы ауданы (ауданы – 8 518 га);
жалпы ауданы 6 953 га болатын жаңа әкімшілік аудан.

Құжат жобасы жария талқылау үшін Ашық НҚА порталында орналастырылған.

Бұған дейін елордалық мәслихат төрағасы Ерлан Каналимов Астанада алтыншы аудан құру туралы бастама көтерген еді.